Zyrtari ukrainas: Rusia po përdor armë me fosfor tek civilët, po u shkakton djegie serioze

Njëmbëdhjetë civilë, përfshirë katër fëmijë, janë plagosur, ndërkohë që rusët kanë hedhur b0mb me fosfor në rajonin e Donetskut, njoftoi shefi i Administratës Ushtarake Rajonale të Donetskut, Pavlo Kyrylenko.

”Natën e djeshme, rusët vazhduan të bombardojnë pjesën qendrore të rajonit. A rmiku përdori edhe një herë bomba fosfori kundër Mariinkas, Krasnohorivkas dhe Novomykhailivkas. Njëmbëdhjetë civilë të plagosur nga Mariinka, përfshirë katër fëmijë, u shtruan në spitalin e qytetit Kurakhove”, shkroi kreu i rajonit.

Ai vuri në dukje se suImi i a rmikut në komunitetin Ocheretyne këtë mëngjes la dy persona të plagosur.

Pavlo Kyrylenko tha gjithashtu se ujë i pijshëm dhe furnizime ushqimore po dërgohen në vendbanimet në vijën e frontit, ndërsa civilët që dëshirojnë të largohen nga zona po evakuohen.

Fosfori i bardhë mbahet në mënyrë rutinore nga ushtritë në mbarë botën dhe përdoret ligjërisht në luftime si një perde tymi gjatë ditës dhe si një ndezës për të ndriçuar një zonë gjatë natës.

Por është e paligjshme përdorimi i tij kundër civilëve sepse shkakton djegie serioze dhe jashtëzakonisht të dhimbshme në kontakt me lëkurën.