“O s’e kam marrë rrogën bre…”/ Vajza rrah babain në Gjakovë pasi nuk i dha para, ikë nga shtëpia dhe….

Çdo ditë e më shumë po raportohen raste të dhunës në familje, ku shpeshherë viktima janë prindërit të cilët përjetojnë dhunë psikike e fizike nga fëmijët e tyre. Një rast i rëndë është raportuar dje në orët e pasdites në Gjakovë, ku një 21-vjeçare ka rrahur babain e saj, raporton Gazeta Sinjali.

Sinjali mëson se rasti ndodhi për shkak të një zënke që vajza kishte paraprakisht me babain e saj, lidhur me paratë.

Sipas deklaratës së viktimës, vajza e ka sulmuar babain, pasi ky i fundit nuk kishte pasur para aq sa i kërkonte e bija, duke i thënë se nuk e kishte marrë rrogën.

Por siç duket kjo nuk i bëri përshtypje vajzës, e cila pa një pa dy e gjuajti babain me këpucë në fytyrë duke i shkaktuar lëndime dhe iku nga shtëpia.

Si rezultat i denoncimit, njësitet policore janë vënë në lëvizje dhe kanë shpallur në kërkim vajzën e dyshuar për dhunë në familje dhe ndaj saj, me urdhër të prokurorit është iniciuar rast.

Rastin e kanë konfirmuar edhe nga Policia Rajonale në Gjakovë dhe kanë njoftuar se e dyshuara ndodhet akoma në arrati.