Gσditje tjetër për Putin, forcat ukrainase rimarrin kontrollin e plotë në 4 zona të Kharkivit

Kreu i administratës ushtarake në Kharkiv ka konfirmuar për BBC se katër zona janë rimarrë nga ukrainasit.

Oleg Sinegubov tha se ushtarët ukrainas kanë rifituar kontrollin e plotë mbi Kutuzovka, Verkhyna Rohanka, Slobidske dhe Prelensne.

“Në Kutuzovka, rreth njëqind njerëz, shumica prej tyre të moshuar dhe fëmijë, jetuan në bodrume të ftohta për dy muaj pa energji elektrike, gaz dhe ushqim,” tha Sinegubov.

“Sot mbrojtësit tanë u pritën me lot”, shtoi ai.

Por ndërsa situata është përmirësuar disi për njerëzit në ato rajone, bombardimet kanë vazhduar, tha ai.

Kharkiv, në veri-lindje të Ukrainës, ishte rajoni që u mor nën kontroll nga rusët që në fillim të pushtimit.