Erdogan me ‘teka’ рër emrin e vendit të tij: Na thërriѕni Turkiye, jo Turkey!

Qeveria e presidentit Recep Tayyip Erdogan u ka bërë zyrtarisht thirrje Kombeve të Bashkuara dhe organizatave të tjera ndërkombëtare që në të ardhmen të përdorin emërtimin “Turkiye” dhe jo “Turkey”.

Sipas njoftimeve të agjencisë shtetërore të lajmeve, Anadolu Turqia nuk dëshiron më që në arenën ndërkombëtare dhe dokumentet diplomatike ndërkombëtare të quhet “Turkey”, pra me emërtimin në gjuhën angleze, por “Turkiye”.

Përdorimi i toponimit anglisht kundërshtohet për një kohë të gjatë nga Turqia, pjesërisht sepse fjala “turkey” në anglisht do të thotë edhe “gjel deti”.

Në fund të vitit të kaluar Turqia vendosi të fusë në përdorim emërtimin “Made in Turkiye” për produktet e saj të eksportit. Erdogani e argumentoi këtë vendim se ky emërtim shpreh më së miri kulturën, qytetërimin dhe vlerat e kombit turk./DW