Gjoba deri 10 mijë euro nëse rriten çmimet!

“Për tregtarët e mëdhenj, dënimi arrin deri në 10 mijë euro”, tha ministri i Ekonomisë, Kreshnik Bekteshi, transmeton TV21.

Kjo do të ndodh për ata tregtarë që do të rrisin çmimet në kundërshtim me vendimin ka hyrë në fuqi sot, ku kufizohet marzha e produkteve ushqimore.

Bekteshi gjithashtu siguron se edhe nëse këto ditë ka pasur rritje të lehtë të çmimeve dhe tërheqje produkteve, sërish të njëjtat do të kthehen në gjendjen fillestare, siç parashihet në vendim

Siguron se s’do të ketë rritje shok të çmimeve dhe se nuk ka vend për panik./TV21